هتقدروا تفهمونى..........

ساعات الإنسان ممكن ييجي عليه وقت ويجرح حتي لو كان ميقصدش

وساعات برضه بيجرح

وهو مش عارف انه بجرح

ده مش معناه انه خاين أو غدار

لو كان ده الإنسان

اللي انت بتحبه

ممكن تكون انت الإنسان الوحيد اللي انجرحت منه

بس ده

مش معناه إنه يقصد يجرحك

هو ممكن يكون من أحسن الناس وأطيبهم

بس

النصيب كده

ممكن هو في وقتها بيكون في لحظه ضعف لحظه خوف لحظه عدم شعور

بالأمان

كل انسان فينا بيمر بفتره سلبيه في حياته يمكن من سوء حظك إنك قربت منه

في اللحظه دي

ومهما بتعمل عشانه مش بيقدر يحبك

او يمكن يكون حبك فعلاً بس

مش قادر يقرب منك

ويمكن برضه ميكونش عنده القابليه للحب في الوقت

اللي انت دخلت حياته فيه

فا عشان كده بتحس دايماً بالرفض في

المشاعر

يمكن الظروف أقوى منه لدرجه انه عايز يقربلك بس مش

قادر

يمكن يكون في حاجه مانعاه مثلاً ...

محدش عارف ظروف الناس إيه

. . . . . . . . . . . . . . . . . . . . .

وفالأخر تقعد تلوم

وتقول كان يقدر يواجه الظروف دي لو بيحبني

او لو شاريني كان يقدر يعمل كذا

علشاني

لو إنت قوي وبتقدر تواجه الظروف كلها اللي حواليك

فا مش

كل الناس زيك

البشر أنواع كتيره قوي مختلفين عن

بعض

الشيطان بيصور لنا ان الانسان ده جرحك وإنه خاين وغدار

وحاجات من دي بقي

عشان فالأخر تروح تتكلم عليه بطريقه وحشه وتشوه صورته قدام

الناس

دي حاجات مش كويسه وحاول تبعد التفكير ده من دماغك

وكده او كده

اللي ربنا بيريده هو اللي بيحصل في النهايه

يمكن اللي مخليه بعيد عنك

حاجات أكبر من إنه يحكيهالك

فا يفضل بينه وبين نفسه دايماً يقول

...

نفسي أقوللك حبيبي على إللي أنا فيه وإللي حاسس بيه

جايز كان نفسه يتكلم ... بس مش قادر أو مش عارف

أو ممكن

برضه إنت نفسك تكون عارف الظروف اللي هو فيها

بس مش قادر تقدرها ..

وفي

النهايه بيحصل الفراق

كل اللي عايز أقوله في الأخر

الحياه

مش بتكون دايماً زي ما إحنا عايزين

سامح حبيبك لو حصل منه اي موقف وبعد

عنك في يوم

لو كنت حبيته بجد في يوم من الأيام

خليك دايماً

فاكر ليه كل موقف جميل حصل منه وانتوا مع بعض

وإدعيله دايماً بالسعاده وراحة

البال حتى لو مع غيرك

المهم إنه يكون مبسوط

خليك

دايماً إنسان متسامح

فالأول والأخر الدوام لله وإحنا مش هنعيش

كتير

فا الإنسان طول ماهو عايش يسامح علي قد ما يقدر